আগন্তুক ১১ ডিচেম্বৰৰ ভিতৰত বিটিআৰৰ অপ্ৰাদেশীকৃত বিদ্যালয় প্ৰাদেশিকীকৰণৰ বাবে চৰকাৰে কোনো আলোচনাৰ ব্যৱস্থা নকৰিলে ১২ ডিচেম্বৰৰ পৰাই ধাৰাাবাহিক আন্দোলনৰ হুংকাৰ। সদৌ বিটিআৰ অপ্ৰাদেশীকৃত প্ৰাথমিক আৰু উচ্চপ্ৰাথমিক বিদ্যালয়ৰ শিক্ষক সন্থাই ১১ ডিচেম্বৰৰ ভিতৰত ব্যৱস্থা লোৱাৰ আহ্বান জনাইছে।
বিগত সময়ত হোৱা আন্দোলনৰ পিছতে কোকৰাঝাৰ পশ্চিম সমষ্টিৰ বিধায়ক লৰেঞ্চ ইচলাৰীয়ে এই সন্দৰ্ভত সন্থাৰ কেন্দ্ৰীয় সমিতিৰ সৈতে চলিত ডিচেম্বৰ মাহৰ প্ৰথম সপ্তাহতে চৰকাৰৰ সৈতে আলোচনা কৰাৰ প্ৰতিশ্ৰুতি প্ৰদান কৰিছিল। আজি ৮ ডিচেম্বৰলৈ আলোচনা নোহোৱাত জাঙুৰ খাই উঠিছে সন্থা। যাৰ বাবে ১১ ডিচেম্বৰৰ ভিতৰত কোনো আলোচনা নহ’লে আকৌ ১২ ডিচেম্বৰৰ পৰা ধাৰাবাহিক আন্দোলনৰ হুংকাৰ।
