জিলা শিক্ষা আৰু প্ৰশিক্ষণ প্ৰতিষ্ঠান, (ডায়েট) লখিমপুৰত বিশিষ্ট শিক্ষাবিদ, ভাষাবিদ আৰু সাহিত্যিক টাবুৰাম টাইডৰ গভীৰ অৱদানক জন্ম দিৱসৰ দিনা ৰোমন্থন কৰি এক অনুপ্ৰেৰণামূলক আৰু চিন্তনশীল অনুষ্ঠান অনুষ্ঠিত হয়| এই স্মৃতি বক্তৃতাৰ জৰিয়তে অসমৰ সমৃদ্ধ সাংস্কৃতিক পৰম্পৰাৰ আধাৰত ভাষা, সাহিত্য আৰু পৰিচয় সম্পৰ্কীয় গভীৰ চিন্তা-চৰ্চা আগবঢ়োৱা হয়| অনুষ্ঠানত মুখ্য বক্তা হিচাপে উপস্থিত থাকে উত্তৰ লখিমপুৰ বিশ্ববিদ্যালয়ৰ সহযোগী অধ্যাপক ড° অৰবিন্দ ৰাজখোৱা|
অনুষ্ঠানটোৰ অন্য এক গুৰুত্বপূর্ণ কার্যসূচী আছিল সদৌ অসম ডায়েট বিষয়া সন্থাৰ (AADOA) ৱেবছাইটৰ উদ্বোধন| উক্ত কাৰ্যসূচী ৰূপায়ন কৰে ধেমাজি ডায়েটৰ অধ্যক্ষা মৌচুমী বৰুৱা বৰদলৈয়ে| উল্লেখ্য যে www.aadoa.org- এই লিংকটোত ক্লিক কৰি আগ্ৰহীসকলে ডায়েট সম্পৰ্কে বিভিন্ন তথ্য সংগ্ৰহ কৰিব পাৰিব| সদৌ অসম ডায়েট বিষয়া সন্থাৰ সম্পাদক প্ৰধান ড° ঋতু পৰ্ণ মহন্তই ৱেবছাইটটোৰ জৰিয়তে সংযোগ, সহযোগিতা আৰু সামূহিক উন্নয়নৰ দিশত আগবাঢ়ি যাবলৈ সহায়ক হ’ব বুলি আদৰণি ভাষণত মত পোষণ কৰে|
অনুষ্ঠানটি আঁত ধৰে সন্থাৰ লখিমপুৰ মণ্ডলৰ সম্পাদক কৰুণা কান্ত হাজৰিকাই| অনুষ্ঠানৰ শেষত সন্থাৰ সভাপতি ইন্দ্ৰজিৎ গামে লখিমপুৰ মণ্ডলৰ আয়োজক সমিতি সমন্বিতে অনুষ্ঠান দুটি সাফল্যমণ্ডিত কৰা সমূহ সুধিবৃন্দক ধন্যবাদ আৰু কৃতজ্ঞতা জ্ঞাপন কৰে|
