প্ৰচণ্ড ধুমুহাত প্ৰাণ গ’ল ৭৩ বছৰীয়া বৃদ্ধাৰ। তামুলপুৰ জিলাৰ গোৰেশ্বৰত প্ৰচণ্ড ধুমুহাত প্ৰাণ গ’ল এগৰাকী ৭৩ বছৰীয়া বৃদ্ধাৰ। গোৰেশ্বৰ ৰাজহ চক্ৰৰ অন্তৰ্গত বালাহাটী গাঁৱৰ চুটিয়াপাৰা চুবুৰীৰ কাতিৰাম বড়োৰ ধুমুহাত অকাল মৃত্যুক সাবটি লয়। কাতিৰাম বড়ো SSB অৱসৰপ্ৰাপ্ত জোৱান আছিল।
উল্লেখযোগ্য যে, দুপৰীয়া অহা প্ৰচণ্ড বালি ধুমুহাত ঘৰৰ বাৰাণ্ডাত বহি থাকোঁতে গছ এডাল বাৰাণ্ডাৰ টিনত পৰাৰ ফলত আতংকিত হৈ হৃদক্ৰিয়া স্তব্ধ হৈ পৰে কাতিৰাম বড়োৰ। লগে লগে স্থানীয় চিকিৎসালয়ত ভৰ্তি কৰোৱা হয় যদিও চিকিৎসকে মৃত বুলি ঘোষণা কৰে কাতিৰাম বড়োক। কাতিৰাম বড়োৰ মৃত্যুত অঞ্চলজুৰি শোকৰ ছাঁ পৰিছে।
