পৰকীয়া প্ৰেম! পৰণতিত শেষ এটা জীৱন

পৰকীয়া প্ৰেমৰ বাবেই সময়ে সমযে সংঘটিত হৈ আহিছে কোনেও কল্পনা নকৰা কিছু ভয়ংকৰ ঘটনা। কিছুদিন পূৰ্বৰ কাহিলীপাৰাৰ ঘটনাৰ চাঞ্চল্য মাৰ নৌযাওঁতেই পুনৰ সংঘটিত হৈছে এক ভয়ংকৰ ঘটনা। পুনৰ পৰকীয়া প্ৰেমে শেষ কৰিলে এখন ঘৰ। বেলেগৰ লগত সম্পৰ্ক ৰখাৰ সন্দেহতেই বিধৱা মহিলাক হত্যা কৰি নদীত উটুৱাই দিলে অবৈধ প্ৰেমিকে।

ঘটনা ছয়গাঁৱৰ আগগুমীৰ। যোৱা ১৭ জুনৰ পৰা নিৰুদ্দেশ হৈ আছিল জয়নাব খাতুন (২৯) নামৰ মহিলাগৰাকী। পৰৱৰ্তী সময়ত মহিলাগৰাকীৰ নিৰুদ্দেশ সম্পৰ্কে আৰক্ষীক অৱগত কৰিছিল পৰিয়ালৰ লোকে। সেই অভিযোগৰ ভিত্তিতে বৃহস্পতিবাৰে নিশা ছয়গাঁও আৰক্ষীয়ে সন্দেহবশত: একেখন গাঁৱৰে ইয়াবৰ আলী (৩০) নামৰ যুৱক এজনক আটক কৰে। আৰক্ষীৰ জেৰাত যুৱকজনে মহিলাগৰাকীক ডিঙি চেপি হত্যা কৰাৰ পিছত কলহী নদীত উটুৱাই দিয়াৰ কথা স্বীকাৰ কৰে। যুৱকজনৰ স্বীকাৰোক্তি মতে মহিলাগৰাকীৰ সৈতে প্ৰেমৰ সম্পৰ্ক আছিল মহিলাগৰাকীৰ। কিছুদিনৰ পৰা মহিলাগৰাকীয়ে বেলেগ এজন পুৰুষৰ সৈতে সম্পৰ্ক ৰক্ষা কৰিছিল। সেই বিষয়ক লৈয়ে ১৬ জুনৰ নিশা দুয়োৰে মাজত সূত্ৰপাত হৈছিল কাজিয়াৰ। পিছত সেই কাজিয়াই লয়গৈ ভয়ংকৰ ৰূপ। যুৱকজনে মহিলাগৰাকীক গামোচাৰে ডিঙি চেপি হত্যা কৰে আৰু পিছত কলহী নদীত উটুৱাই দিয়ে।

এই ঘটনাই ব্যাপক চাঞ্চল্যৰ সৃষ্টি কৰিছে ছয়গাঁৱত। মহিলাগৰাকীক বিচাৰি কলহী নদীত ছয়গাঁও আৰক্ষী আৰু SDRF-এ অভিযান চলাইছে যদিও সন্ধান ওলোৱা নাই মহিলাগৰাকীৰ।

Popular

More like this
Related

ATM ব্যৱহাৰ কৰা সকলৰ বাবে কাইলৈৰ পৰা নতুন নিয়ম…

ভাৰতীয় ৰিজাৰ্ভ বেংকে ২০২৫ চনৰ ১ মে’ৰ পৰা এটিএমৰ...

পৰৱৰ্তী লোকপিয়লত জাতিগত গণনাৰ সিদ্ধান্ত কেন্দ্ৰীয় কেবিনেটৰ

ভাৰত চৰকাৰে এক ঐতিহাসিক সিদ্ধান্তত পৰৱৰ্তী লোকপিয়লত জাতিগত গণনা...

অসমীয়া চলচ্চিত্ৰ নিৰ্মাণ কৰাৰ লক্ষ্য জ্যাকী ভাগনানীৰ

বলীউডৰ অভিনেতা, প্ৰযোজক তথা সংগীত উদ্যোগী জ্যাকী ভাগনানীৰ অসমৰ...

বেলুচিস্তানৰ ইতিহাস আৰু সমসাময়িক পৰিস্থিতি

বেলুচিস্তান পাকিস্তানৰ এখন প্ৰদেশ। দেশৰ দক্ষিণ-পশ্চিম অঞ্চলত অৱস্থিত বেলুচিস্তান...