বৰচনচ্ প্ৰডাকচনৰ উদ্যোগত ব্ৰক্ষ্মপুত্ৰ বেণ্ড বাঙ্গালোৰ আৰু বাঙ্গালোৰ বাসী অসমীয়া ৰাইজৰ সহযোগত অহা ইংৰাজী ১০ আৰু ১১ ফেব্ৰুৱাৰী তাৰিখে শ্ৰী শ্ৰী কৃষ্ণৰ সম্পূৰ্ণ ৰাসলীলা প্ৰদৰ্শন কৰাৰ উদ্দেশ্য আজি বাঙ্গালোৰ স্থিত নামঘৰত সম্পূৰ্ণ নীতি নিয়মৰ মাজেৰে আজি নাট মেলা পৰ্ব অনুষ্ঠিত হয়।আজিৰ নাট মেলা অনুষ্ঠানত অসমৰ ভাওনা জগতৰ জনপ্ৰিয় অভিনেতা, নিৰ্দেশক, পৰিচালক তথা বিচাৰক শ্ৰদ্ধাৰ দীপেন দত্ত ডাঙৰীয়াই ভাৱৰীয়া সকলক বচন বিতৰণ কৰাৰ লগতে ভাও সম্পৰ্কে বহুতো গঠন মূলক দিহা পৰামৰ্শ দিয়ে।
বাঙ্গালোৰৰ ITI Groundৰ খেলপথাৰত অনুষ্ঠিত হব লগা উক্ত ৰাস ভাগীত অসমীয়া বোলছবি জগতৰ কেইবা গৰাকী জনপ্ৰিয় শিল্পীয়ে অংশগ্ৰহণ কৰিব। ৰামধন চৰিত্ৰত অসমৰ জনপ্ৰিয় শিল্পী শ্ৰীঅৰুণ হাজৰিকা, দৈৱকীৰ চৰিত্ৰত জনপ্ৰিয় অভিনেত্ৰী শ্যামন্তিকা শৰ্মা, নিশিতা গোস্বামী আৰু ৰাধাৰ চৰিত্ৰত জনপ্ৰিয় অভিনেত্ৰী তনভি শৰ্মাৰ লগতে অসমৰ ভাওনা জগতৰ কেইবাজনো সু:নিপুণ শিল্পীয়ে অভিনয় কৰিব। অনুষ্ঠান ভাগি সাফল্য মণ্ডিত কৰাৰ মানসেৰে উদ্যোক্তা মণ্ডলীৰ হৈ পৰেশ বৰা আৰু প্ৰণৱ জ্যোতি বৰাই সমূহ ৰাইজৰ উপস্থিতি আৰু দিহা পৰামৰ্শ সাদৰেৰে কামনা কৰিছে।
