গৰমৰ পৰা কিছু পৰিত্ৰাণ পাব ৰাজ্যবাসীয়ে! ৰাজ্যত বিগত কেইবাদিনো ধৰি বৃদ্ধি পাইছে উষ্ণতা। এই গৰমে বাৰুকৈয়ে জ্বলা কলা খুৱাইছে গুৱাহাটীবাসীক। কেৱল গুৱাহাটীয়েই নহয় আন আন স্থানতো দিনৰ ভাগত বৃদ্ধি পাইছে গৰম। এই গৰমৰ পৰা কিছু পৰিত্ৰাণ পোৱাৰ সম্ভাৱনা আছে। বিশেষভাবে কোকৰাঝাৰ, চিৰাং, বৰপেটা, বাক্সা,ওদালগুৰি, শোণিতপুৰ, দৰং,বিশ্বনাথ, লখিমপুৰ, ধেমাজি, ডিব্ৰুগড় আৰু তিনিচুকীয়াত পাতলীয়া বৰষুণ অহাৰ সম্ভাৱনা আছে। দেওবাৰৰ পৰা পাতলীয়া বৰষুণ দিয়াৰ সম্ভাৱনা আছে। এই তথ্য সদৰি কৰে বৰঝাৰস্থিত আঞ্চলিক বতৰ বিজ্ঞান কেন্দ্ৰই ।
