আৰক্ষীৰ চকুত ধূলি দি এতিয়াও একাংশ ড্ৰাগছ ব্যৱসায়ীয়ে অব্যাহত ৰাখিছে ড্ৰাগছৰ অবৈধ ব্যৱসায়। ড্ৰাগছ বিৰোধী অভিযানত পুনৰ মুকালমুৱা আৰক্ষীৰ জালত পৰে ২ ড্ৰাগছ সৰবৰাহকাৰী। মুকালমুৱা আৰক্ষী থানাৰ ভাৰপ্ৰাপ্ত আৰক্ষী বিষয়া সীমান্ত বৰাৰ নেতৃত্বত অভিযান চলাই নাৰায়ণপুৰৰ পৰা আটক কৰে ড্ৰাগছ সৰবৰাহকাৰী দুজনক। ধৃত ড্ৰাগছ সৰবৰাহকাৰী ৰিণ্টু আলী(বৰা) আৰু আফনুৰ আলী। আৰক্ষীয়ে ধৃত ড্ৰাগছ সৰবৰাহকাৰী দুজনৰ পৰা ৬টা ড্ৰাগছ ভৰ্তি কণ্টেইনাৰ, ৪৩৮টা নিচাযুক্ত টেবলেট আৰু ৪টা মোবাইল ফোন জব্দ কৰে। ধৃত ড্ৰাগছ সৰবৰাহকাৰী দুজনে দীৰ্ঘদিন ধৰি অঞ্চলটোত ড্ৰাগছৰ বেহা চলাই আহিছিল।
