আকৌ এবাৰ মোদী! মোদী!!
সংসদ ভৱনৰ চেন্ট্ৰল হল মোদীময় হ’ল…
নৱ নিৰ্বাচিত সাংসদৰ হৰ্ষধ্বনিৰে মুখৰ হ’ল চৌপাশ। কানে কান মাৰি চৰকাৰলৈ অহা মোদীক স্বাগতম জনালে নৱ নিৰ্বাচিত সাংসদ, বিজেপি নেতা, বিজেপি শাসিত ৰাজ্যৰ মুখ্যমন্ত্ৰীসকলে। আৰম্ভ হ’ল NDAৰ আনুষ্ঠানিক সংসদীয় দলৰ নেতা নিৰ্বাচনৰ প্ৰক্ৰিয়া। ৰাজনাথ সিং, আমিত শ্বাহ, নীতিন গাডকাৰীয়ে প্ৰস্তাৱ কৰিলে নৰেন্দ্ৰ মোদীৰ নাম। NDAৰ অংশীদাৰ সকলো দলে এই প্ৰস্তাৱৰ প্ৰতি সমৰ্থন আগবঢ়ালে।
আনুষ্ঠানিক ভাৱে NDAৰ সংসদীয় দলৰ নেতা নিৰ্বাচিত হোৱাৰ পিছত পুনৰ বিৰোধীৰ প্ৰতি আক্ৰমণাত্মক হৈ পৰিল প্ৰধানমন্ত্ৰী মোদী।
‘ক’ত হেৰাল বিৰোধীৰ EVM ইছ্যু?’
‘১০ বছৰলৈ কংগ্ৰেছে নাপায় ১০০ খন আসন’
‘INDI জোঁটৰ লোকসকল আগৰ শতিকাৰ লোক‘
তৃতীয়বাৰ প্ৰধানমন্ত্ৰী হিচাপে শপত লোৱাৰ পূৰ্বেই ভাষণত প্ৰধানমন্ত্ৰীয়ে ক’লে ২০২৯ৰ লোকসভাৰ কথা। INDI জোঁটৰ লোকসকল আধুনিকতাৰ বিৰোধী, প্ৰযুক্তিৰ বিৰোধী বুলি ক’লে মোদীয়ে।
এইবাৰৰ নিৰ্বাচনৰ ফলাফলে ভাৰতীয় গণতন্ত্ৰৰ গ্ৰহণ যোগ্যতা বৃদ্ধি কৰিলে
বিৰোধীয়ে NDAৰ জয়ক পৰাজয়ৰ সাজ পিন্ধাব খুজিছিল
কিন্তু NDA জিকিছিল, জিকিছে আৰু জিকি যাব…
এনে আক্ৰমণেৰে NDAৰ সংসদীয় বৈঠকত বিৰোধীক টাৰ্গেট কৰি ল’লে মোদীয়ে। বিকশিত ভাৰতৰ সপোন লৈ NDA জনতাৰ কাষলৈ গৈছিল আৰু জনতাই NDAৰ ওপৰত বিশ্বাস ৰাখিলে। এই বিশ্বাসক ভৰসা কৰি চৰকাৰে কাম কৰি যাব বুলিও ক’লে প্ৰধানমন্ত্ৰীয়ে। বৈঠকৰ পিছতে চৰকাৰ গঠনৰ প্ৰক্ৰিয়া আৰম্ভ কৰিলে প্ৰধানমন্ত্ৰীয়ে। ৫৪৩ খন আসনৰ ভিতৰত এইবাৰ NDAই লাভ কৰিলে ২৯২খন আসন। বিজেপিয়ে ২৪০ আসনতে সীমাবদ্ধ হৈ ৰয়। এই লৈয়ে বিৰোধীয়ে মোদীক প্ৰধানমন্ত্ৰী হোৱাৰ যোগ্য নহয় বুলি মন্তব্য কৰিলেও মোদীয়ে গুৰুত্ব নিদিলে বিৰোধীৰ অভিযোগক।
