আজি অসম টেবুল টেনিছ সংস্থাই জলসম্পদ, তথ্য-জনসম্পৰ্ক আৰু সংসদীয় পৰিক্ৰমা মন্ত্ৰী পিযুষ হাজৰিকাক অসম টেবুল টেনিছ এছ’চিয়েশ্যনৰ (ATTA) সভাপতি হিচাপে নিৰ্বাচিত কৰে। উল্লেখ্যে যে, সংস্থাটোৰ প্ৰাক্তন সভাপতি মৃগাংক বৰ্মনৰ পদত্যাগৰ পিছৰে পৰা পদটো খালী হৈ আছিল। ভাৰ্চুৱেল সভাখন সভাপতিত্ব কৰে অসম টেবুল টেনিছ সংস্থাৰ উপ-সভাপতি মুনিন নবিছে। ATTAৰ সকলো কাৰ্যবাহী সদস্য আৰু অনুমোদিত জিলাই সৰ্বসন্মতিক্ৰমে নতুন সভাপতি হিচাপে পিযুষ হাজৰিকাক নিৰ্বাচিত কৰিছে।
