বন্ধ কৰিলে ঐতিহাসিক নামতিপুল। লোকনিৰ্মাণ বিভাগৰ গাফিলতিৰ বাবে নামতিপুল ধ্বংস হোৱাৰ অভিযোগ আনি স্থানীয় লোকে যাতায়াত বন্ধ কৰি দিয়ে। নামতিপুলত বাঁহ বান্ধি ঐতিহাসিক পুলটো সংৰক্ষণ কৰিবলৈ ওলাই আহিল স্থানীয় লোক। যোৱা ৭ বছৰে নামতিপুলৰ বিকল্প এখন পকী দলং নিৰ্মাণ কৰিছিল যদিও লোক নিৰ্মাণ বিভাগ আৰু ঠিকাদাৰৰ হেমাহিৰ বাবে মুকলি হোৱা নাছিল। বিকল্প দলঙৰ নিৰ্মাণকাৰ্যত দুৰ্নীতিৰ বাবে যাতায়াত বন্ধ হৈ আছিল। স্থানীয় লোক আৰু জাতীয় দল-সংগঠনে বহুবাৰ নামতিপুল সংৰক্ষণ কৰি বিকল্প দলং সঠিকভাৱে নিৰ্মাণ কৰিবলৈ দাবী জনাই আহিছিল যদিও কেৰেপ কৰা নাছিল ঠিকাদাৰ আৰু লোকনিৰ্মাণ বিভাগে। যাৰ বাবে স্থানীয় লোকে সম্পূৰ্ণভাৱে যাতায়াত বন্ধ কৰি দিয়ে নামতিপুলৰ।
