BPF, কংগ্ৰেছ, AIUDF এৰি পৰিধান কৰিলে গেৰুৱা বসন। প্ৰায় ৫ শতাধিক কৰ্মীয়ে আনুষ্ঠানিকভাবে ভাৰতীয় জনতা পাৰ্টীত যোগদান কৰে। বিলাসীপাৰা পূব সমষ্টিৰ অন্তৰ্গত কোকৰাঝাৰ জিলাৰ ১১ নং ভাওখুংৰী পাৰিষদীয় সমষ্টিৰ বামুণগাঁও প্ৰথম খণ্ডত গেয়ামওথো স্পৰ্টছ ক্লাবত অনুষ্ঠিত হয় বিজেপিৰ বিশাল যোগদান কাৰ্যসূচী। ১১ নং ভাওখুংগৰীৰ বিজেপি মণ্ডলৰ উদ্যোগত অনুষ্ঠিত হয় এই যোগদান কাৰ্যসূচী। উক্ত কাৰ্যসূচীত বিজেপিৰ জনপ্ৰিয়তা আৰু “সবকা সাথ, সবকা বিকাশ, সবকা বিশ্বাস” নীতিৰ প্ৰতি আকৃষ্ট হৈ বিপিএফ, কংগ্ৰেছ, AIUDF দলৰ পৰা প্ৰায় ৫ শতাধিক কৰ্মীয়ে আনুষ্ঠানিকভাবে ভাৰতীয় জনতা পাৰ্টীত যোগদান কৰে। উক্ত কাৰ্যসূচীত উপস্থিত থাকে বিলাসীপাৰা পূব সমষ্টিৰ প্ৰাক্তন বিধায়ক তথা অসম চৰকাৰৰ বিপণন নিগমৰ অধ্যক্ষ অশোক কুমাৰ সিংহী, কোকৰাঝাৰ জিলা বিজেপিৰ সভাপতি ৰাজকুমাৰ ব্ৰহ্ম, মণ্ডল প্ৰভাৰী জিতু কিষাণৰ লগতে বিজেপিৰ বিভিন্ন পৰ্যায়ৰ কৰ্মকৰ্তাসকল।
