স্থায়ী গৃহৰ অভাৱত পঞ্চায়ত কাৰ্যালয়ত চলিছে এখন চিকিৎসালয়

জামুগুৰি গাঁও পঞ্চায়ত স্বাস্থ্য উপকেন্দ্ৰ!
শুনোঁতে আচহুৱা, কিন্তু সঁচা
‘আৰোগ্য মন্দিৰ’ৰ ৰুগীয়া অৱস্থা
পঞ্চায়তত চলে চিকিৎসালয়

এয়া ৰাজ্যৰ বিয়াগোম স্বাস্থ্য ব্যৱস্থা। জামুগুৰি গাঁও পঞ্চায়তৰ কাৰ্যালয়ৰ ভিতৰলৈ সোমাই গ’লে আপুনি পাব ডাক্তৰ নাৰ্চ। চলে বিভিন্ন ৰোগৰ চিকিৎসা। এটা স্থায়ী গৃহৰ অভাৱত পঞ্চায়তৰ সৰু কোঠাটোতে চলিছে আয়ুষ্মান আৰোগ্য মন্দিৰ। এটা কোঠাতে চিকিৎসক, নাৰ্চকে প্ৰমূখ্য কৰি ১১-১২ জন কৰ্মচাৰী। ঔষধকে আদি কৰি আন আন যাৱতীয় সামগ্ৰী ৰখা হৈছে কোঠাটোত৷ ৰোগীৰ বহিবৰ বাবে ব্যৱস্থা নাই , চিকিৎসাৰ বাবে নাই কোনো সু-ব্যৱস্থা ৷ উৎকট গৰমত ফেনৰ অভাৱতে পালন কৰিবলগীয়া হৈছে দায়িত্ব। উপায় নাই।

নাম ফলকৰে জামুগুৰি আয়ুস্মান মন্দিৰ বুলি উপকেন্দ্ৰ এটি আছে। ফলকত টেগ লাইন, ‘আৰোগ্য পৰম ধন’। কিন্তু ৰুগ্নপ্ৰায় আৰোগ্য মন্দিৰৰ অৱস্থা। জহি-খহি যোৱাৰ বাবে মেৰামতিৰ দায়িত্ব দিয়া হৈছিল এজন ঠিকাদাৰক। ২–৩ মাহত সমাপন কৰাৰ কথা আছিল কাম। কিন্তু কথাতে শেষ। কামত নাই।

উপায় নাই। পঞ্চায়ত কাৰ্যালয়ত বিভিন্ন সমস্যা সন্মুখত লৈ চলাবলগীয়া হৈছে চিকিৎসা ৷ আনহাতে কেন্দ্ৰটোৰ টিনপাতসমহ সলনি নকৰি পুৰণা টিনপাতকে ৰং কৰি দি দায়িত্ব সামৰাৰ আছে অভিযোগ। ৰোগীয়েও ভুগিছে অনেক যাতনা। অতি সোনকালে গৃহটোৰ নিৰ্মাণ কাৰ্য সম্পূৰ্ণ কৰিবলৈ আহ্বান।

ভাষণে শ্লোগানে বৈ থকা উন্নয়ণ গংগাখন বহু ঠাইতে ৰাইজে দেখিবলৈকে পোৱা নাই। মন্ত্ৰী সলনি হ’ল স্বাস্থ্য বিভাগৰ। দায়িত্বত খোদ মুখ্যমন্ত্ৰী। ৰাইজৰ আশা, ‘কিবা এটা হ’ব’। সময়ত লক্ষণীয় হ’ব সকলো।

Popular

More like this
Related

খেলো ইণ্ডিয়া যুৱ ক্ৰীড়া-২০২৫: সৰুসজাইত ক্ৰীড়া বিভাগৰ উদ্যোগত প্ৰস্তুতি শিবিৰ

বিহাৰ আৰু নতুন দিল্লীত অনুষ্ঠিত হ’ব লগা আসন্ন সপ্তম...

পেহেলগামত হনিমুনলৈ গৈ কৰুণ মৃত্যু, সপোনবোৰ আৰু দিঠক নহয় কেতিয়াও

সন্ত্ৰাসবাদীৰ ভয়াৱহ আক্ৰমণৰ পিছত জম্মু-কাশ্মীৰৰ পেহেলগামত এতিয়া শোকাকুল পৰিৱেশ।...

NKTV PLUSত পেহেলগামৰ ঘটনাৰ প্ৰত্যক্ষদৰ্শীৰ শিহৰণকাৰী বৰ্ণনা EXCLUSIVE

জম্মু-কাশ্মীৰৰ পেহেলগামত সন্ত্ৰাসবাদীৰ আক্ৰমণৰ সময়ত উপস্থিত আছিল অসমৰ এটা...

পেহেলগামৰ সন্ত্ৰাসবাদী আক্ৰমণৰ পৰা কথমপি ৰক্ষা পৰিল অসমৰ এটি পৰিয়াল

জম্মু-কাশ্মীৰৰ পেহেলগামত আবদ্ধ অসমৰ এটি পৰিয়ালমঙলবাৰে সন্ত্ৰাসবাদীৰ আক্ৰমণৰ পৰা...