বিগত ২৪ ঘণ্টাত ৰাজ্যত ক’ভিডত প্ৰাণ হেৰুৱাইছে ২১ জন আক্ৰান্তই। শুকুৰবাৰৰ দিনটোত ৰাজ্যত ক’ভিডত আক্ৰান্ত হৈছে ২ হাজাৰ ৮৬১ জন। কামৰূপ মে’ট্ৰত হ্ৰাস পাইছে ক’ভিডত আক্ৰান্ত। শুকুৰবাৰৰ দিনটোত কামৰূপ মে’ট্ৰত আক্ৰান্ত ৫৯৯ জন। দিনটোত ৰাজ্যত ক’ভিড টেষ্ট কৰা হৈছিল ৪১ হাজাৰ ১৩৪ টা। ৰাজ্যত বৰ্তমান পজিটিভিটীৰ ৬.৯৬ শতাংশ। ইয়াৰ বিপৰীতে আৰোগ্যৰ হাৰ হৈছে ৯৪.৪১ শতাংশ। সংক্ৰমণৰ হাৰ হ্ৰাস কিন্তু মৃত্যুৰ হাৰ বৃদ্ধি পাইছে। এনে পৰিস্থিতিত ক’ভিড সংক্ৰান্তীয় নিষেধাজ্ঞা শিথিল কৰিবনে নকৰে তাক লৈ দ্বিধাগ্ৰস্ত হৈ পৰিছে চৰকাৰ তথা প্ৰশাসন।
