ক্ষুদ্ৰ ক্ষুদ্ৰ হাস্পতালসমূহত বহু ৰোগী নিৰ্ভৰ কৰে চিকিত্সাৰ বাবে। এই প্ৰাথমিক চিকিত্সালয়সমূহতে প্ৰথমে চিকিত্সাৰ বাবে উপস্থিত হয় সাধাৰণ লোকসকল।
এনে হাস্পতালসমূহ সীমিত সা-সুবিধাৰ মাজেৰে চলি থাকে অথবা উন্নীত কৰাৰ থল থাকে।
এনে কাৰণৰ বাবেই স্বাস্থ্য মন্ত্ৰী কেশৱ মহন্তই নিশা ৯.৩০ বজাত হঠাৎ টিহু প্ৰাথমিক প্ৰেৰণ গোট (এফ আৰ ইউ)ত উপস্থিত হৈ চিকিৎসালয়খনৰ নৈশ পৰিৱেশ নিৰীক্ষণ কৰে।
এই আকস্মিক পৰিদৰ্শনকালত স্বাস্থ্যমন্ত্ৰীগৰাকীয়ে নৈশ দায়িত্বত থকা চিকিৎসক আৰু নাৰ্ছৰ সৈতে মত বিনিময় কৰি এফআৰইউখনত দৈনিক চিকিৎসাৰ বাবে অহা ৰোগীৰ বিষয়ে খবৰ কৰাৰ লগতে অসুবিধাৰাজীৰ বুজ লয়।
আগন্তুক দিনত অন্যান্য অঞ্চলতো এনে আকস্মিক পৰিদৰ্শন চলিব বুলি মন্তব্য প্ৰকাশ কৰে।
কভিডৰ বাবে সকলোকে সাৱধান হোৱাৰ আহ্বান স্বাস্থ্য মন্ত্ৰীগৰাকীৰ।
স্বাস্থ্য মন্ত্ৰীগৰাকীৰ সৈতে উপস্থিত আছিল কেইবাগৰাকী বিষয়া আৰু স্বাস্থ্য কৰ্মী।
