ভাৰতৰ দৌৰৰাণী খ্যাত অলিম্পিয়ান এথলীট পি টি উষা আৰু আন ৬ জনৰ বিৰুদ্ধে প্ৰৱঞ্চনাৰ গোচৰ ৰুজু কৰা হৈছে। কেৰালাৰ কোজিকোড আৰক্ষীয়ে ভাৰতৰ ‘গোল্ডেন গাৰ্ল’খ্যাত পি টি উষা আৰু আন ৬জনৰ বিৰুদ্ধে ভাৰতীয় দণ্ডবিধিৰ ধাৰা 420 (প্ৰৱঞ্চনা আৰু অসততা)ৰ অধীনত গোচৰ ৰুজু কৰিছে। প্ৰাক্তন এথলীট জেমাইমা জোছেফৰ অভিযোগৰ ভিত্তিত গোচৰটো পঞ্জীয়ন কৰা হৈছে।
আৰক্ষীয়ে সদৰি কৰা মতে প্ৰাক্তন এথলীট জেমাইমা যোছেফে অভিযোগ কৰিছে যে এজন নিৰ্মাতাক ১০১২ বৰ্গ ফুট ফ্লেটৰ বাবে কেইবাটাও কিস্তিত ৪৬ লাখ টকা জমা কৰিছিল। কিন্তু আজিলৈকে নিৰ্মাতাই ফ্লেটটো হস্তান্তৰ কৰা নাই। যোচেফে পি টি ঊষাৰ কথামতেহে নিৰ্মাতাক পৰিশোধ কৰিছিল ধনৰাশি।
