গৃহীত হ’ল নিৰ্বাচন আইন সংশোধনী বিধেয়ক

সংসদত গৃহীত হ’ল নিৰ্বাচন আইন সংশোধনী বিধেয়ক। ইয়াৰ লগে লগে ১৮ বছৰৰ ওপৰৰ সকলোৱে ভোটাৰ ৰূপে নিজৰ নাম পঞ্জীয়ন কৰিবলৈ সক্ষম হ’ব। আৰু ভুৱা ভোটাৰৰ নাম তালিকাৰ পৰা আঁতৰোৱাত এই আইনে সহায় কৰিব। মঙলবাৰে সংসদত এই কথা প্ৰকাশ কৰে কেন্দ্ৰীয় ন্যায় আৰু আইন মন্ত্ৰী কিৰেন ৰিজিজুৱে।

ইয়াৰ উপৰি এই বিধেয়ক আইনত পৰিণত হোৱাৰ পিছত একেজন ভোটাৰৰ নাম কেইবাখনো ভোটাৰ তালিকাত সন্নিৱিষ্ট হোৱাতো ৰোধ কৰিব পৰা যাব। এই সংশোধনী আইনে দেশৰ নিৰ্বাচনী প্ৰক্ৰিয়া অধিক ত্ৰুটিমুক্ত কৰিবলৈ সক্ষম হ’ব বুলি কেন্দ্ৰীয় মন্ত্ৰীজনে প্ৰকাশ কৰে।