প্ৰতিষ্ঠিত এথলীট, ৰাষ্ট্ৰীয় পৰ্যায়ত দুবাৰকৈ সোণৰ পদক বিজয়ী দীপামণি ডেকাৰ পদক বিজয়ী যাত্ৰা অবিৰতভাৱে অব্যাহত আছে। ইতিমধ্যে দ্বিতীয় ষ্টেট অপেন মাষ্টাৰ এথলেটিক চেম্পীয়নশ্বীপ ২০২৪ ত ক্ৰমে ১৫০০ মি আৰু ৫০০০ মি দৌৰত সোণৰ পদক লাভ কৰাৰ উপৰিও, পাটনা মাৰাথন ২০২৪, কোকৰাঝাৰ এনচিচি হাফ মাৰাথন ২০২৪, এচাম ৰাইফলচ্ হাফ মাৰাথন চিলং ২০২৪, বাহুৱলী হাফ মাৰাথন ২০২৪ যোৰহাট, কইল ইণ্ডিয়া ভূৱনেশ্বৰ মাৰাথন২০২৫, গল্ডেন পগৰা মাৰাথন ২০২৫, নামচাই! ষ্টেট বেংক অফ ইণ্ডিয়া গ্ৰীন মাৰাথন ২০২৫ আদি বিভিন্ন ৰাষ্ট্ৰীয়, আন্ত:ৰাষ্ট্ৰীয় পৰ্যায়ত অনুষ্ঠিত. ক্ৰমে ১০ কিঃমিঃ আৰু ২১কিঃমিঃ দৌৰত অংশ গ্ৰহণ কৰি বিজয়ী পদক দখল কৰি আহিছে আৰু আজি ১৬ মাৰ্চ ২০২৫ ডেৰগাঁও মিচামৰা উচ্চতৰ মাধ্যমিক বিদ্যালয় খেলপথাৰত. চিখৰ, গুটখা ড্ৰাগছৰ বিপৰীতে যোদ্ধা একাডেমীৰ উদ্যোগত অনুষ্ঠিত হাফ মাৰাথনত ১০ কিঃমিঃ দৌৰত অংশ গ্ৰহণ কৰি ৪০ বছৰ ঊৰ্ধ্বৰ পৰ্যায়ত বিজয়ী পদক লাভ কৰে। খেলুৱৈগৰাকীয়ে জানিবলৈ দিয়ে যে সন্মুখত আৰু কেইবাখনো খেলৰ বাবে অধিক শক্তিশালী ৰূপত সাজু হৈ আছে।
