কাজিৰঙাৰ কঁহৰা ডাকঘৰত ভাৰতীয় ডাক বিভাগৰ ‘ডাক চৌপাল’ সেৱাৰ শুভাৰম্ভ কৰা হয়। এই সেৱাৰ জৰিয়তে গ্ৰামাঞ্চলৰ সাধাৰণ ৰাইজৰ মাজত ভাৰতীয় ডাক বিভাগৰ বিভিন্ন আঁচনি আৰু সেৱাসমূহৰ বিষয়ে সজাগতা সৃষ্টি কৰাৰ পদক্ষেপ গ্ৰহণ কৰা হৈছে।
এই সেৱাৰ অংশ হিচাপে মোবাইল ভেনৰ জৰিয়তে গাঁৱৰ চুকে-কোণে প্ৰচাৰ চলাই ৰাইজক ডাক বিভাগৰ বিভিন্ন সেৱা আৰু আঁচনিৰ বিষয়ে অৱগত কৰা হ’ব।
কাজিৰঙাত এই সেৱাৰ ফ্লেগ অফ কৰে ভাৰতীয় ডাক বিভাগৰ অসম চক্ৰৰ মুখ্য মহাপ্ৰবন্ধক শ্ৰী শচীন কিশোৰে। উল্লেখযোগ্য যে অসমৰ ভিতৰত শিৱসাগৰ চক্ৰৰ অধীনস্থ কাজিৰঙাত প্ৰথমবাৰৰ বাবে এই সেৱা আৰম্ভ কৰা হৈছে।
এই কাৰ্যসূচীৰ জৰিয়তে গ্ৰামাঞ্চলৰ ৰাইজে ডাকঘৰৰ বিভিন্ন সেৱা আৰু আঁচনিৰ বিষয়ে অধিক জানিবলৈ সক্ষম হ’ব বুলি আশা প্ৰকাশ কৰে মুখ্য মহাপ্ৰবন্ধক শ্ৰী শচীন কিশোৰে।
