পুনৰ উদ্বেগজনকভাৱে বৃদ্ধি পাইছে ক’ভিডৰ সংক্ৰমণ। দেশৰ বাণিজ্যিক মহানগৰী মুম্বাইত দৈনিক আক্ৰান্তৰ সংখ্যা মঙলবাৰে প্ৰায় দুগুণ হৈছে। কেৱল মুম্বাইতে বিগত ২৪ ঘণ্টাত নতুনকৈ ক’ভিডত আক্ৰান্ত হৈছে ১,২৪২জন। সোমবাৰে মুম্বাইত ক’ভিডত আক্ৰান্ত হৈছিল ৬৭৬জনলোক।
সোমবাৰতকৈ ৮১শতাংশ বৃদ্ধি পালে মহাৰাষ্ট্ৰত দৈনিক আক্ৰান্তৰ সংখ্যা। সমগ্ৰ মহাৰাষ্ট্ৰত মঙলবাৰে নতুনকৈ আক্ৰান্ত হৈছে ১৮৮১জন। মহাৰাষ্ট্ৰৰ সমান্তৰালকৈ সমগ্ৰ দেশতে বৃদ্ধি পাইছে ক’ভিডৰ সংক্ৰমণ। বিগত ২৪ ঘণ্টাত দেশত নতুনকৈ ক’ভিডত আক্ৰান্ত হৈছে ৩,৭১৪জন। মঙলবাৰে দেশত ক’ভিডৰ সংক্ৰমণৰ হাৰ ১.৬২ শতাংশ। আনহাতে ২৪ ঘণ্টাত দেশত ৭ জনকৈ লোকেৰ মৃত্যু হৈছে ক’ভিডত।
