দেশত ক্ৰমাৎ নিয়ন্ত্ৰণহীন হৈ পৰিছে কৰ’না সংক্ৰমণ। কেন্দ্ৰীয় স্বাস্থ্য মন্ত্ৰালয়ৰ শেহতীয়া তথ্য অনুসৰি যোৱা ২৪ ঘণ্টাত দেশত নতুনকৈ আক্ৰান্ত হৈছে ২ লাখ ৭১ হাজাৰ ২০২জন। শনিবাৰৰ তুলনাত আক্ৰান্তৰ সংখ্যা ২,৩৬৯জন বৃদ্ধি পাইছে।
এই সময়চোৱাত প্ৰাণ হেৰুৱাইছে ৩১৪জন ক’ভিড ৰোগীয়ে। আৰোগ্য লাভ কৰিছে ১ লাখ ৩৮ হাজাৰ ৩৩১জন লোকে। সম্প্ৰতি দেশত সক্ৰিয় ক’ভিড ৰোগীৰ সংখ্যা ১৫ লাখ ৫০ হাজাৰ ৩৭৭জন। দৈনিক পজিটিভিটিৰ হাৰ হৈছে ১৬.২৮ শতাংশ।
ইয়াৰ সমান্তৰালভাৱে বৃদ্ধি পাইছে অ’মিক্ৰনৰ সংক্ৰমণো। শেহতীয়া তথ্য অনুসৰি বৰ্তমান দেশত অ’মিক্ৰন সংক্ৰমিত লোকৰ সংখ্যা ৭ হাজাৰ ৭৪৩জন। দেশৰ ২৮খন ৰাজ্যত প্ৰাদুৰ্ভাৱ ঘটিছে অ’মিক্ৰনৰ।
