মনত দৃঢ় বিশ্বাস আৰু অদম্য সাহস থাকিলে অসম্ভৱ কামো সম্ভৱ কৰিব পাৰি। চকুৰে নেদেখা আমেৰিকাৰ এজন ব্যক্তি। নাম ডেন পাৰ্কাৰ। পাৰ্কাৰে ৩৩৯ কিলোমিটাৰ প্ৰতিঘন্টা তীব্ৰ বেগত গাড়ী চলাই ‘গিনিজ ৱৰ্ল্ড ৰেকৰ্ডচ’ত নাম সন্নিবিষ্ট কৰিছে। তেওঁ ২০১২ বৰ্ষৰ ৩১ মাৰ্চত দুৰ্ঘটনা পতিত হৈ দৃষ্টি শক্তি হেৰাই পেলাইছিল। ডেনে এই বিশ্ব অভিলেখ সেইদিনা গঢ়ে যিদিনা ডেনৰ দুৰ্ঘটনা হোৱা সম্পূৰ্ণ ১০টা বছৰত ভৰি দিয়ে। ২০২২ বৰ্ষৰ ৩১ মাৰ্চ তাৰিখে ডেনে এই অভিলেখ গঢ়ি সকলোকে আচৰিত কৰি তোলে। ছচিয়েল মিডিয়াত তেওঁৰ এই বিষয়টো ভাইৰেল হৈ পৰিছে।
ডেনে নেচনেল ফেডাৰ্চন অফ দ্য ব্লাইণ্ড ড্ৰাইভ চেলেঞ্জৰ অধীনত এই অভিলেখ গঢ়িবলৈ সক্ষম হয়। এই প্ৰতিযোগীতাৰ উদ্দেশ্য এটাই দৃষ্টিহীন লোকসকলক অনুপ্ৰেৰণা যোগোৱা। কাৰণ সেইসকল লোকে নিজৰ বাধাৰ প্ৰাচীৰ নেওচি নিজৰ সপোনবোৰ সাৰ্থক কৰিব পাৰে।
ডেনে এই বিশ্ব ৰেকৰ্ড গঢ়িবলৈ তেওঁ নিজৰ উপযোগীকৈ এখন বিশেষ গাড়ী তৈয়াৰ কৰি লৈছিল। এই ৰেকৰ্ড গঢ়াৰ স্পেচস্পোৰ্টটো আমেৰিকাৰ ৰানৱেত নিৰ্মাণ কৰা হৈছিল। ডেনৰ ব্যৱহাৰ কৰা গাড়ীত বিশেষ প্ৰকাৰৰ অডিঅ’ নিৰ্দেশনা প্ৰণালীৰ যন্ত্ৰ স্থাপন কৰা হৈছিল। ইয়াৰ উপৰিও গাড়ী খনত GPS, কেমেৰা আৰু অত্যাধুনিক প্ৰযুক্তিৰ LIDAR ৰ ব্যৱহাৰ কৰিছে। যাৰ জড়িয়তে ৰাস্তাত অহা সকলো সমস্যাৰ উমান লাভ কৰিছিল। ডেনে বিশেষ ধৰণৰ সুৰক্ষা থকা গাড়ীৰে এই অভিলেখ গঢ়িবলৈ সক্ষম হয়।
