ৰাজনৈতিক দলৰ পুঁজি সংগ্রহক লৈ ADRৰ শেহতীয়া ৰিপ’ৰ্টত প্রকাশ পাইছে এই তথ্য। ২০২০-২১ বিত্তীয় বৰ্ষত কোন দলে সংগ্রহ কৰিলে কিমান পুঁজি? পুঁজি সংগ্রহত শীৰ্ষস্থানত আছে বিজেপি দল। বিজেপিয়ে দেশত সংগ্রহ কৰিছে মুঠ ৪৭৭.৫৪৫ কোটি টকা। কংগ্রেছে সংগ্রহ কৰিছে মুঠ ৭৪.৫২৪ কোটি টকা। NCP-এ সংগ্রহ কৰিছে ২৬.২৬১ কোটি টকাৰ পুঁজি। CPM দলে সংগ্রহ কৰিছে মুঠ ১২.৯০১ কোটি টকা। ২০১৯-২০ বৰ্ষতকৈ হ্রাস পাইছে ৰাজনৈতিক দলসমূহৰ পুঁজি সংগ্রহ। ৩৯.২৩ শতাংশ হ্রাস পাইছে বিজেপিৰ পুঁজি সংগ্রহ। ৪৬.৩৯ শতাংশ হ্ৰাস পাইছে কংগ্রেছৰ পুঁজি সংগ্রহ। ২০১৯-২০ বৰ্ষত বিজেপিয়ে সংগ্রহ কৰিছিল ৭৮৫.৭৭ কোটি টকা। ২০১৯-২০ বৰ্ষত কংগ্রেছে সংগ্রহ কৰিছিল ১৩৯.০১৬ কোটি টকা। ৰাজনৈতিক দলসমূহলৈ অধিকাংশ পুঁজি আহিছে কৰ্প’ৰেট আৰু বাণিজ্যিক ক্ষেত্রৰ পৰা। ৰাষ্ট্রীয় দললৈ পুঁজি যোগানৰ ক্ষেত্রত শীৰ্ষ ৫ ৰাজ্যৰ ভিতৰত আছে অসমো। অসমৰ পৰা বিভিন্ন ৰাষ্ট্রীয় দলে সংগ্রহ কৰিছে ৩০.২৩৬ কোটি টকা। অসমতো ২০২০-২১ বৰ্ষত AIUDF দলে সংগ্রহ কৰিছে ১৪৮.০৬ কোটি টকা। AGP-এ ২০২০-২১ বৰ্ষত সংগ্রহ কৰিছে মাথোঁ ৭ লাখ টকা। অন্যান্য আঞ্চলিক দলসমূহে এতিয়ালৈ প্রকাশ কৰা নাই পুঁজি সংগ্রহৰ তথ্য।
