ডিব্ৰুগড়ত গুৰু দুজনাৰ সৃষ্টিৰাজী প্ৰচাৰ আৰু প্ৰসাৰ আৰু চৰ্চাৰ প্ৰয়াস। স্থানীয় ধৰ্মপ্ৰাণ ৰাইজৰ সহযোগত ধৰ্মীয় উত্সাহ- উদ্দীপনাৰে জগতগুৰু শ্ৰীমন্ত শংকৰদেৱৰ ৫৭৫ সংখ্যক জন্মোত্সৱৰ লগত সংগতি ৰাখি ডিব্ৰুগড়স্থিত বৈৰাগীমঠ নতুন গাঁও নামঘৰত দিনজোৰা কাৰ্যসূচীৰে পালন কৰা হয়।
এই কাৰ্যসূচী অনুসৰি সন্ধিয়া ত্ৰিনয়ন নাট্যগোষ্ঠীৰ উদ্যোগত তথা বৈৰাগীমঠ নতুন গাঁৱৰ ভক্তপ্ৰাণ ৰাইজৰ সহায় -সহযোগত বৈৰাগীমঠ নতুন গাঁও নামঘৰ প্ৰাংগনত ‘সতী বেউলা উপাখ্যান মনসাৰ দৰ্পচূৰ্ণ’ শীৰ্ষক ভাওনা প্ৰদৰ্শন হয়।
