পত্নীৰ পাছত কোন টাৰ্গেট এইবাৰ ৰামানুজৰ? কাৰাগাৰৰ পৰা ওলাই চুগাৰ ডেডীক কটাৰ হুংকাৰ বশিষ্টপুৰ হত্যাকাণ্ডৰ মূল অভিযুক্ত ৰামানুজ গোস্বামীৰ। ‘তাইকটো কাটিলোঁ জেলৰ পৰা ওলালে চুগাৰ ডেডীটোকো কাটিম’। কিন্ত কোন এই চুগাৰ ডেডী? ইমান নিকৃষ্ট, নৃশংস কাণ্ড কৰি ‘no regrets, no apologies’ বুলি নিৰ্লজ্জ মন্তব্য ৰামানুজৰ। দেশ কঁপাই যোৱা হত্যাকাণ্ড কৰিও তিলমানো অনুশোচনা নাই ৰামানুজ গোস্বামীৰ। ৰিয়াক হত্যা কৰি তৃপ্তি লাভ কৰা বুলিহে উল্লেখ ৰামানুজৰ।
আৰক্ষীৰ জেৰাত পত্নী ৰিয়াক দাৰে প্ৰথমে ৫ বাৰকৈ মৰিয়াই হত্যা কৰা বুলি উল্লেখ ৰামানুজৰ। পূৱা ৩.৩০ মিনিটত পত্নীক হত্যা কৰাৰ পাছতেই মূৰ একেঘাপে ছেদ কৰিছিল। শুক্ৰবাৰে নিশা ৰিয়াক হত্যা কৰি শনিবাৰে পুৱা ১১ বজাত ফ্লেটৰ পৰা ওলাই গৈছিল ৰামানুজ ওৰফে বাবু। সন্ধিয়া পুনৰ ফ্লেটলৈ উভতি গৈ আত্মহত্যাৰ চেষ্টা কৰিছিল ৰামানুজে। কিন্তু আত্মহত্যা কৰিবলৈ ভয় খাইছিল। ৰাজধানী মছজিদৰ সমীপত দেওবাৰে পুৱা গাড়ীৰ ভিতৰত অত্যাধিক সুৰাপান কৰি আত্মসমৰ্পণ কৰিবলৈ সীদ্ধান্ত লৈছিল ৰামানুজে। ৰিয়াই ৰামানুজৰ কোনো কথাই নুশুনা বাবে এই কাণ্ড কৰা বুলি আৰক্ষীৰ ওচৰত কৰিছে দাবী। গ্ৰেপ্তাৰৰ প্ৰথম দিনা মাতৃক কটু মন্তব্য কৰিছিল বুলি দাবী কৰিছিল ঘাতক স্বামী ৰামানুজে। আজি পত্নীৰ বিৰুদ্ধে আনিছে আন এক অভিযোগ। সঁচাকৈয়ে পাৰিবাৰিক কন্দল, গাৰ্হস্থ্য হিংসা, পৰকীয়া প্ৰেম নে নিজক বচোৱাৰ কৌশল লৈছে ৰামানুজে? আৰক্ষীৰ তদন্তত শীঘ্ৰে আহিব পোহৰলৈ।
