কিম্বদন্তী শ্বেন ৱাৰ্ণৰ মৃত্যুক লৈ এতিয়াও চৰ্চা অব্যাহত। লেগ স্পীনাৰজনৰ মেনেজাৰে শেহতীয়াকৈ জনায়েছে যে মৃত্যুৰ দুসপ্তাহ পূৰ্বে বুকুৰ বিষত ভুগিছিল শ্বেন ৱাৰ্ণ। এই সময়ছোৱাতে কঠোৰ খাদ্যভ্যাস মানি চলিছিল অষ্ট্ৰেলিয়াৰ বিশ্ব খ্যাত তাৰকাজনে।
কেৱল পনীয়া আহাৰ হে গ্ৰহণ কৰিছিল শ্বেন ৱাৰ্ণে।মেনেজাৰ জনৰো শ্বেন ৱাৰ্ণৰ হৃদৰোগত আক্ৰান্ত হৈ মৃত্যৃ হোৱাৰ সন্দেহ।
লেগ স্পীনাৰজনে শৰীৰৰ ওজন কমাবৰ বাবেও চেষ্টা চলাইছিল বুলি সংবাদ মাধ্যমৰ আগত সদৰী কৰে মেনেজাৰজনে। ইফালে এতিয়াও শেষকৃত্য সম্পন্ন হোৱা নাই শ্বেন ৱাৰ্ণৰ।
এতিয়া কিম্বদন্তী জনৰ মৃতদেহ থাইলেণ্ডতে আছে। মৃতদেহ অষ্ট্ৰেলিয়ালৈ নিয়াৰ বাবে চলাই আছে প্ৰক্ৰিয়া। পৰিয়ালৰ লোকে সঘন যোগা যোগ কৰি আছে থাইলেণ্ডৰ দূতাবাসৰ সৈতে।