আন এক কামৰ বাবে প্ৰশংসাৰে উপচি পৰিছে অভিনেতা অনুপম খেৰ!

“THE KASHMIR FILES”ৰ সফলতাৰ পাছত আন এক প্ৰশংসাৰে উপচি পৰিছে অভিনেতা অনুপম খেৰ । ‘দ্য কাশ্মীৰি ফাইলছ’ ফলতাৰ মাজতে পুনৰ আকৌ চৰ্চাত আহিছে অভিনেতাজন । এটা ইনষ্টাগ্ৰামৰ ভিডিঅ’ৰ পৰা অভিনেতাজন সকলোৰে প্ৰশংসাত আহিছে । অভিনেতাজনে ভিডিঅ’টোত কৈছে, “মই অলপতে মোৰ মেকআপ আৰ্টিষ্টৰ জীয়ৰীৰ বিয়াত উপস্থিত হওঁ আৰু মই দম্পতী হালক আৰ্শীবাদ দিওঁ” । আৰু ভিডিঅ’টোত তেওঁ কয় যে “আজি মোৰ ২৭বছৰীয়া মেকআপ শিল্পী মংগেশ দেশাইৰ জীয়ৰী মৈথেলীয়ে সতীন্দ্ৰৰ সৈতে বিবাহ পাশত আবদ্ধ হৈছে । মই পৰ্দাত অভিনয় কৰা সময়ৰে পৰা মোৰ সকলো চৰিত্ৰক মংগেশে তেওঁৰ অপৰিসীম মৰম দিছে । ইয়াৰ ভিতৰত কাশ্মীৰী ফাইলছো এখন। ঈশ্বৰে সদায় দম্পতিহালক আৰ্শীবাদ দি যাব । মোৰ ফালৰ পৰাও বহুত মৰম আৰু আৰ্শীবাদ । আৰু শেষত তেওঁ কয় যে মোৰ কৰ্মচাৰি সকলেই মোৰ শক্তি”।
অনুপম খেৰৰ এই সহজ সৰল মনোভাৱৰ বাবেই অনুৰাগীসকলৰ মাজত জনপ্ৰিয় হৈ পৰিছে আৰু সকলোৰে মন জয় কৰিবলৈ সক্ষম হৈছে ।