ৰাজ্যৰ বিভিন্ন প্ৰান্তৰ ১৭ গৰাকী দৰিদ্ৰ লোকক ই-ৰিক্সা বিতৰণ কৰে আজমল ফাউণ্ডেছনে
প্ৰায় ২০ লাখ টকা ব্যয়সাপেক্ষে মুঠ ১৭খন ই-ৰিক্সা বিতৰণ কৰে আজমল ফাউণ্ডেছনে
ই-ৰিক্সাৰ জৰিয়তে দৰিদ্ৰ লোকসকলে উপাৰ্জন কৰি যাতে নিজৰ পৰিয়ালটো পোহপাল দিব পাৰে তাৰ বাবে বদৰুদ্দিন আজমল আৰু সিৰাজুদ্দিন আজমলৰ নিৰ্দেশ মৰ্মে আজমল ফাউণ্ডেচনে আজি মুঠ ১৭জন লোকক একোখনকৈ বিনামূলীয়া ই-ৰিক্সা বিতৰণ কৰা হয়। আজি ই-ৰিক্সা বিতৰণ অনুষ্ঠানত সিৰাজুদ্দিন আজমলৰ লগতে আজমল ফাউণ্ডেচনৰ সঞ্চালক ড° খছৰুল ইছলাম, প্ৰৱন্ধক এম আৰ এইচ আজাদ উপস্থিত আছিল।
উল্লেখ্যযোগ্য যে, আজমল ফাউণ্ডেছনে স্বাস্থ্য, শিক্ষা, দক্ষতা বিকাশৰ লগতে দৰিদ্ৰ লোকসকলক বিভিন্ন ধৰণে সহায়-সহযোগিতা আগবঢ়াই আহিছে। অসমৰ চুকে-কোণে শিক্ষাৰ বিকাশৰ ক্ষেত্ৰত আজমল ফাউণ্ডেচনে এক জাগৰণৰ সৃষ্টি কৰি সকলোৰে প্ৰশংসা লাভ কৰিবলৈ সক্ষম হৈছে। বিভিন্ন প্ৰাকৃতিক দুৰ্যোগ নাইবা দুৰ্ভিক্ষৰ সময়তো আজমল ফাউণ্ডেচনে সদায় মানৱ সেৱা আগবঢ়াই গৈছে। কৰ’না মহামাৰীৰ ফলত কৰ্মসংস্থাপনৰ অভাৱত এক দুৰ্বিসহ জীৱন-যাপন কৰা অসমৰ বিভিন্ন প্ৰান্তৰ ১৭জন হিতাধিকাৰীয়ে আজি ই-ৰিক্সা লাভ কৰি বদৰুদ্দিন আজমল, সিৰাজুদ্দিন আজমলৰ লগতে আজমল পৰিয়াল আৰু আজমল ফাউণ্ডেচনক ধন্যবাদ জ্ঞাপন কৰে।