ৰাজ্যত পুনৰ সংঘটিত হ’ল আন এক এনকাউণ্টাৰৰ ঘটনা। নগাঁৱত আকৌ ড্ৰাগ্ছ মাফিয়াক এনকাউণ্টাৰ কৰিলে আৰক্ষীয়ে। এইবাৰ জুৰীয়া বালিকটীয়াত আৰক্ষীয়ে গুলীয়ালে ড্ৰাগ্ছ মাফিয়া চাহজাহান আলী ওৰফে চাজুক।
জুৰীয়া বালিকটীয়াত থকা চাহজাহানৰ বাসগৃহত নিশা তালাচী চলাবলৈ গৈছিল আৰক্ষীৰ এটা দল। পিছে তালাচী চলাবলৈ যোৱা আৰক্ষীক গতিয়াই পলাবলৈ চেষ্টা কৰিছিল ড্ৰাগ্ছ মাফিয়া চাহজাহানে। আৰু পলাবলৈ লওতেই চাহজাহানৰ ভৰিত গুলীয়ায় আৰক্ষীয়ে।
গুলীবিদ্ধ চাহজাহানক প্ৰথমে নগাঁও অসমাৰিক চিকিৎসালয়ত ভৰ্ত্তি কৰে যদিও পিছত উন্নত চিকিৎসাৰ বাবে গুৱাহাটী GMCHলৈ প্ৰেৰণ কৰে৷
তালাচী চলাবলৈ যোৱা আৰক্ষীয়ে চাহজাহানৰ ঘৰৰ পৰা উদ্ধাৰ কৰে বুজন পৰিমাণৰ ড্ৰাগ্ছ।
