মানৱজাতিৰ প্ৰতি যেন ৰুষ্ট হৈ পৰিছে প্ৰকৃতি। ইটোৰ পাছত সিটোকৈ প্ৰকৃতিক দুৰ্যোগে জোকাৰি গৈছে মানৱজাতিক। ছিকিমৰ ঘটনাৰ চাঞ্চল্য মাৰ নৌযাওঁতেই এইবাৰ সংঘটিত হৈছে এক ভূমিকম্পৰ ঘটনা। এই ভূমিকম্পৰ ঘটনাত মৃত্যু হৈছে ২০০০তকৈও অধিক লোকৰ।
ছিকিমৰ ঘটনাৰ মাজতে এইবাৰ ভূমিকম্পত তচনচ হ’ল আফগানিস্তান। আফগানিস্তানৰ হেৰাট প্ৰদেশত হোৱা এই ভূমিকম্পত ২,০০০তকৈও অধিক লোক নিহত হৈছে।
এক প্ৰতিবেদন অনুসৰি এই ভূমিকম্পৰ ফলত ৪৬৫ টা ঘৰ ধ্বংস হয়। এই সময়তো বহুতো লোক খহি পৰা অট্টালিকাৰ তলত আৱদ্ধ হৈ থাকিব পাৰে। ভূমিকম্পটোৰ কেন্দ্ৰস্থল হেৰাট চহৰৰ পৰা প্ৰায় ৪০ কিলোমিটাৰ উত্তৰ-পশ্চিমত আছিল।