▶️ বুধবাৰে অনুষ্ঠিত কেবিনেটে আন্তঃৰাষ্ট্ৰীয় বক্সিং চেম্পিয়ন যমুনা বড়ো আৰু আন্তঃৰাষ্ট্ৰীয় আৰ্চাৰী চেম্পিয়ন সঞ্জয় বড়োক আবকাৰী বিভাগৰ পৰিদৰ্শক হিচাপে নিযুক্তিত অনুমোদন জনায়। অহা ৩ ছেপ্টেম্বৰত ৰাজ্য চৰকাৰৰ বিশেষ কাৰ্যসূচীত ক্ৰীড়াবিদ দুগৰাকীক নিযুক্তি-পত্ৰ প্ৰদান কৰা হ’ব৷
▶️ শিলচৰ চিকিৎসা মহাবিদ্যালয় হাস্পতালত ডাঃ সম্ভুধ্ব ধৰ [Dr. Sambuddha Dhar]ক নিউৰ’চাৰ্জন হিচাপে নিযুক্তি প্ৰদানৰ বাবে কেবিনেটে সিদ্ধান্ত গ্ৰহণ কৰে।
▶️অৰুণোদয় আঁচনিৰ পুঁজিৰ বাবে এতিয়াৰে পৰা বিত্ত বিভাগলৈ এফ অ’ চি প্ৰেৰণ কৰিব নালাগে৷ বিভাগে প্ৰত্যক্ষভাৱে হিতাধিকাৰীৰ বেংক একাউণ্টলৈ আঁচনিৰ ধনৰাশি প্ৰত্যক্ষভাৱে প্ৰেৰণ কৰিব পাৰিব।
▶️ আদিবাসী আৰু চাহ জনগোষ্ঠীৰ দাবীৰ প্ৰতি সন্মান জনাই কেবিনেট বৈঠকে ৰাজীৱ গান্ধী ৰাষ্ট্ৰীয় উদ্যানৰ নাম ওৰাং ৰাষ্ট্ৰীয় উদ্যান হিচাপে নামকৰণৰ সিদ্ধান্ত গ্ৰহণ কৰে।
▶️ ক’ভিড-১৯ৰ যাৱতীয় খৰচৰ বাবদ দিবলগীয়া ৬৬০ কোটি টকা ৰাজ্যৰ উপায়ুক্তসকললৈ মুকলি কৰি দিয়াৰ বাবে কেবিনেটে অনুমোদন জনায়।
▶️ ক’ভিড-১৯ত মৃত্যুবৰণ কৰা ৰাজ্যখনৰ প্ৰায় ৬৫০০ ব্যক্তিৰ নিকটাত্মীয়লৈ ‘প্ৰাৰ্থনা’ আঁচনিৰ জৰিয়তে এককালীনভাৱে ১ লাখ টকাৰ আৰ্থিক সাহায্য আগবঢ়োৱাৰ বাবে কেবিনেটে অনুমোদন জনায়। অহা ২ অক্টোবৰৰ গান্ধী জয়ন্তীৰ দিনাখন প্ৰতি জিলাৰ অভিভাৱক মন্ত্ৰীসকলে সংশ্লিষ্ট জিলাসমূহত এই ধনৰাশিৰ চেক আনুষ্ঠানিকভাৱে প্ৰদান কৰিব।
