মোদী-পুটিনৰ ২৫ বছৰীয়া বন্ধুত্ব : ভাৰত-ৰাছিয়া সম্পৰ্কৰ এক অটুট সেতু
ভাৰত আৰু ৰাছিয়াৰ মাজৰ সম্পৰ্কক প্ৰায়ে কোৱা হয় — দুটা প্ৰাচীন সভ্যতাৰ মাজত গভীৰ আস্থাৰ সম্পৰ্ক। এই সম্পৰ্কৰ আটাইতকৈ মনোমোহা আৰু আমোদজনক স্তৰটো হৈছে প্ৰধানমন্ত্ৰী নৰেন্দ্ৰ মোদী আৰু ৰাছিয়াৰ ৰাষ্ট্ৰপতি ভ্লাদিমিৰ পুটিনৰ ব্যক্তিগত বন্ধুত্ব — যিটো আৰম্ভ হৈছিল প্ৰায় ২৫ বছৰ আগতে, ২০০১ চনত মস্কোত।
সেই সময়ত অটল বিহাৰী বাজপেয়ীৰ নেতৃত্বত কেন্দ্ৰত NDA চৰকাৰ আছিল আৰু নৰেন্দ্ৰ মোদী আছিল গুজৰাটৰ মুখ্যমন্ত্ৰী। পুটিনো ৰাষ্ট্ৰপতি হোৱাৰ মাত্ৰ কেইমাহমানহে হৈছিল। প্ৰধানমন্ত্ৰী বাজপেয়ীয়ে ৰাছিয়া ভ্ৰমণৰ সময়ত নিৰাপত্তা আৰু কূটনৈতিক দিশত সহায় কৰিবলৈ বিশেষভাৱে মোদীক সংগী কৰি লৈ গৈছিল। এই ভ্ৰমণতেই প্ৰথমবাৰৰ বাবে নৰেন্দ্ৰ মোদী আৰু ভ্লাদিমিৰ পুটিনক একেলগে দেখা গৈছিল। সেই পুৰণি ফটোখনে এতিয়াও প্ৰমাণ কৰে যে, বাজপেয়ীৰ মোদীৰ ওপৰত কিমান গভীৰ আস্থা আছিল।
২০০১ চনৰ সেই ভ্ৰমণ কেৱল আনুষ্ঠানিকতাৰ নাছিল। বাজপেয়ীয়ে ৰাছিয়াৰ সৈতে ভাৰতৰ অংশীদাৰিত্বক এক নতুন উচ্চতালৈ লৈ গৈছিল।
- প্ৰতিৰক্ষা সহযোগিতাৰ ভেটি মজবুত হৈছিল।
- মহাকাশ কাৰ্যসূচীৰ বিষয়ে গভীৰ আলোচনা হৈছিল।
- শক্তি সুৰক্ষাৰ দিশত নতুন পথ মুকলি হৈছিল।
- আটাইতকৈ গুৰুত্বপূৰ্ণ কথা — দুয়োখন দেশৰ মাজত বিশ্বাসযোগ্য ৰাজনৈতিক বন্ধন গঢ়ি উঠিছিল।
তাৰ পিছত ২০১৪ চনত নৰেন্দ্ৰ মোদী প্ৰধানমন্ত্ৰী হোৱাৰ লগে লগে এই সম্পৰ্কৰ এক নতুন অধ্যায় আৰম্ভ হ’ল। পুটিনক অভিনন্দন জনোৱা প্ৰথম বিদেশী নেতাসকলৰ ভিতৰত আছিল নৰেন্দ্ৰ মোদী। তাৰ পৰাই দুয়োৱে এই সম্পৰ্কক নতুন মাত্ৰা দিছিল :
- এছ-৪০০ৰ দৰে কৌশলগত প্ৰতিৰক্ষা ক্ৰয়ৰ চুক্তি
- ৰাছিয়াৰ ক্ৰুড অইল আৰু প্ৰাকৃতিক গেছৰ ওপৰত ভাৰতৰ ক্ৰমবৰ্ধমান নিৰ্ভৰশীলতা
- জি-২০, ব্ৰিকছ, এছ চি অ’ৰ দৰে বিশ্ব মঞ্চত ঘনিষ্ঠ সমন্বয় আৰু একে মত
- পৰমাণু শক্তি, মহাকাশ গৱেষণা আৰু উচ্চপ্ৰযুক্তিৰ ক্ষেত্ৰত দীৰ্ঘম্যাদী অংশীদাৰিত্ব
আজি যেতিয়া বিশ্বৰ ভূ-ৰাজনীতি জটিল হৈ পৰিছে, তেতিয়াও ভাৰত-ৰাছিয়াৰ এই সম্পৰ্ক অটুট হৈ আছে — কাৰণ ইয়াৰ ভেটি হৈছে ব্যক্তিগত বন্ধুত্বৰ লগতে পাৰস্পৰিক কৌশলগত স্বাৰ্থ আৰু গভীৰ আস্থা।
মোদী আৰু পুটিনৰ এই ২৫ বছৰীয়া যাত্ৰাই প্ৰমাণ কৰিছে — সঁচা বন্ধুত্ব আৰু বিশ্বাসৰ আগত কোনো নিষেধাজ্ঞা বা চাপ বাধা হৈ নুঠে।
