লিটাৰেচাৰ ফেষ্টিভেল (এনএলএফ) ২০২৫ আয়োজনৰ কথা আনুষ্ঠানিকভাৱে ঘোষণা কৰা হয়। এই অনুষ্ঠানটোৱে ‘লিগেচী, লেংগুরেজ এণ্ড লিটাৰেচাৰ’ (অনুপম ঐতিহ্য, ভাষা আৰু সাহিত্য)-ৰ সংমিশ্রণ ঘটাই বর্ণিল-বিশাল ৰূপত উদযাপন কৰিব। ২০২৫ চনৰ ২১ ডিচেম্বৰৰ পৰা ২৫ ডিচেম্বৰলৈকে বিহাৰৰ ৰাজগীৰ, নালন্দাত আয়োজিত হ’ব লগা প্ৰথম সংস্কৰণৰ সন্ধিক্ষণত গুৱাহাটীত আনুষ্ঠানিক ঘোষণাই বিশেষ তাৎপর্য বহন কৰিছে। প্রতীকী সহযোগিতাৰূপেত নালন্দা বিশ্ববিদ্যালয়ে এনএলএফ ২০২৫ত অংশগ্ৰহণ কৰিব, য’ত প্রাচীন জ্ঞানক সমসাময়িক সৃজনশীলতাৰ সৈতে সংমিশ্রিত কৰা হ’ব।
এই অনুষ্ঠানত মুখ্য অতিথি হিচাপে অসম চৰকাৰৰ প্ৰাক্তন ডিজিপি আৰু বিশিষ্ট লেখ কুল শইকীয়া আৰু সন্মানীয় অতিথি হিচাপে অসম চৰকাৰৰ সাংস্কৃতিক পৰিক্ৰমা বিভাগৰ আইচিএছ কল্যাণ চক্রবর্তী, অধ্যক্ষা দি. আলিয়া, ট্রাষ্টী ধনু বিহাৰ, মহোৎসৱৰ অধ্যক্ষ গংগা কুমাৰ আৰু আন কেইবাজনো বিশিষ্ট ব্যক্তিৰ উপস্থিতিত মহোৎসৱৰ ভৱিষ্যৎ দৰ্শন আৰু মৰ্মাৰ্থৰ বিষয়ে আলোচনা আৰু উপস্থাপন কৰা হয়। ইয়াত সাহিত্যিক আৰু শৈল্পিক সমাজৰ সদস্য, বিভিন্ন মাধ্যমৰ প্ৰতিনিধি আৰু সাংস্কৃতিক উৎসাহীসকলে অংশগ্ৰহণ কৰে, যাৰ মাজত আছিল পদ্মশ্রী অৰূপ কুমাৰ দত্ত; অধ্যাপক অৰূপজ্যোতি শইকীয়া; প্রভু ঝা; অধ্যাপিকা মধুমিতা বৰবৰা; কিনফাম সিং নংকিনৰিহ আৰু আন বহুতো লেখক-লেখিকা, যাৰ অন্তর্দৃষ্টি আৰু অভিজ্ঞতাই ভাৰতৰ সাহিত্যিক আৰু ভাষিক বৈচিত্র্য বিষয়ত আলোচনাৰে অনুষ্ঠানটো সমৃদ্ধ কৰিছিল।লিখক কুল শইকীয়াই নিজৰ মনোভাৱ ব্যক্ত কৰি কয় যে, “নালন্দা কেৱল এক অৱস্থান নহয়; ই এক জীৱন্ত ধাৰণা, জ্ঞানৰ এক চিৰন্তন পোহৰৰ সোপান, যিয়ে ভাৰত আৰু বিশ্বক অনুপ্রাণিত কৰি আহিছে। এই উৎসৱক গুৱাহাটীলৈ সম্প্ৰসাৰণে আমাৰ এই আস্থাক প্ৰতিফলিত কৰিছে যে বিহাৰৰ হৃদয়ৰ পৰা ব্ৰহ্মপুত্ৰৰ পাৰলৈকে, ভাৰতৰ প্ৰতিটো ভূখণ্ডই সৃজনশীলতা, সংলাপ আৰু ঐতিহ্যৰ এক সম স্পন্দন ভাগ-বতৰা কৰে।”
লিখক কুল শইকীয়াই নিজৰ মনোভাৱ ব্যক্ত কৰি কয় যে, “নালন্দা কেৱল এক অৱস্থান নহয়; ই এক জীৱন্ত ধাৰণা, জ্ঞানৰ এক চিৰন্তন পোহৰৰ সোপান, যিয়ে ভাৰত আৰু বিশ্বক অনুপ্রাণিত কৰি আহিছে। এই উৎসৱক গুৱাহাটীলৈ সম্প্ৰসাৰণে আমাৰ এই আস্থাক প্ৰতিফলিত কৰিছে যে বিহাৰৰ হৃদয়ৰ পৰা ব্ৰহ্মপুত্ৰৰ পাৰলৈকে, ভাৰতৰ প্ৰতিটো ভূখণ্ডই সৃজনশীলতা, সংলাপ আৰু ঐতিহ্যৰ এক সম স্পন্দন ভাগ-বতৰা কৰে।”
কল্যাণ চক্ৰৱৰ্তীয়ে নিজৰ মতামত দাঙি ধৰি কয় যে, “অসমে সদায় সৃষ্টিশীল কৰ্ম আৰু চিন্তাবিদৰ ভূমি হৈ আহিছে। নালন্দা লিটাৰেচাৰ ফেষ্টিভেলৰ অসমত পদার্পণে আমাৰ দেশৰ আত্মা গঢ়ি তোলা বৈচিত্র্যময় ভাষা, পৰম্পৰা আৰু সাংস্কৃতিক অভিব্যক্তিসমূহ সংৰক্ষণ আৰু প্ৰচাৰ কৰাৰ আমাৰ সমষ্টিগত অংগীকাৰক শক্তিশালী কৰিব।”
অধ্যক্ষা দি আলিয়াই এই বিষয়ে কয় যে, “নালন্দাই কেৱল মনেই নহয়, সমাজকো মুক্ত কৰা জ্ঞানৰ প্ৰতীক। এই উৎসৱৰ জৰিয়তে আমি সংলাপ, মর্যাদা আৰু বৈচিত্র্যৰ সাৰাংশ ভাৰতৰ প্ৰতিটো কোণলৈ লৈ যোৱাৰ ইচ্ছা ৰাখিছোঁ। গুৱাহাটীৰ পৰিৱেশ আৰু বুদ্ধিজীৱী শক্তিয়ে নালন্দাই যি প্রতিনিধিত্ব কৰে, সেয়া সঠিকভাৱে প্ৰতিফলিত কৰে প্ৰশ্ন কৰাৰ সাহস আৰু শুনাৰ মৰ্যাদা সমানে ৰাখে।”
পদ্মশ্রী অৰূপ কুমাৰ দত্তই অনুষ্ঠানত অংশ লৈ কয় যে, “এনএলএফ-ৰ মুম্বাইৰ পৰা গুৱাহাটীলৈ যাত্রাই মহোৎসৱৰ ভাৰতজুৰি বৃদ্ধি হোৱা প্ৰতিধ্বনিক প্রতিফলিত কৰিছে। নালন্দা লিটাৰেচাৰ ফেষ্টিভেল ২০২৫ হ’ব জ্ঞান, কলা আৰু আলোচনাৰ এক মহোৎসৱ, যিয়ে আমাৰ প্ৰাচীন জ্ঞানক সমসাময়িক চিন্তাৰ সৈতে সংযোগ কৰিব।”
আনহাতে এই অনুষ্ঠানত ২০২৫ চনৰ ছেপ্তেম্বৰৰ পৰা ২০২৬ চনৰ মাৰ্চলৈকে চলি থকা নালন্দা লিটাৰেচাৰ ডেভেলপমেন্ট প্ৰগ্ৰেমৰ বিষয়েও উল্লেখ কৰা হয়, যাৰ লক্ষ্য হ’ল মূল উৎসৱলৈ অগ্ৰসৰ হোৱাৰ সময়ত সৃজনশীল সংলাপ আৰু সাংস্কৃতিক বিনিময়ক উৎসাহিত কৰা। ইয়াৰ উপৰি এনএলএফ-ৰ সমগ্র দলে অসমীয়া সংস্কৃতি আৰু সমাজ জীৱনলৈ অভূতপূৰ্ণ বৰঙণি আগবঢ়োৱা জনপ্রিয় শিল্পী সদ্যপ্রয়াত জুবিন গাৰ্গলৈ বিশেষ শ্রদ্ধাঞ্জলি জ্ঞাপন কৰিছিল।
নালন্দা লিটাৰেচাৰ ফেষ্টিভেল ২০২৫-এ ভাৰতৰ বৌদ্ধিক আৰু সাংস্কৃতিক ঐতিহ্যৰ এক মহান মিলনক্ষেত্র হ’ব বুলি আশা কৰা হৈছে, যিয়ে ৰাজগীৰ, নালন্দাৰ ঐতিহাসিক স্থানসমূহত দেশ আৰু বিদেশৰ কণ্ঠসমূহ একেলগ কৰিব আৰু ভাৰতৰ জ্ঞান আৰু কল্পনাৰ চিৰন্তন চেতনাক পুনর্ব্যক্ত কৰিব।
