ব্যক্তিগত টেলিকম কোম্পানী এয়াৰটেল আৰু জিঅ’ৰ ৰিচাৰ্জ প্লেন বৃদ্ধি পোৱাৰ পিছতে BSNLৰ গ্ৰাহক হ’বলৈ মন মেলিছে দেশৰ একাংশ জনতা। কেৱল এয়াই নহয়, এয়াৰটেল আৰু জিঅ’ ব্যৱহাৰকাৰীয়ে ক্ৰমান্বয়ে নিজৰ মোবাইল নম্বৰ BSNLলৈ প’ৰ্ট কৰিছে। ইয়াৰোপৰি টাটা কনছালটেন্সি ছাৰ্ভিচ আৰু বি এছ এন এলৰ মাজত ১৫ হাজাৰ কোটি টকাৰ চুক্তি স্বাক্ষৰিত হোৱাৰ খবৰো ওলাইছে।
টিচিএছ আৰু বিএছএনএলে একেলগে ভাৰতৰ ১০০০খন গাঁৱত 4G ইণ্টাৰনেট সেৱা আৰম্ভ কৰিব, যাতে অনাগত দিনত দ্ৰুত গতিৰ ইণ্টাৰনেট সেৱা লাভ কৰিব পাৰে।
বৰ্তমান সময়ৰ কথা ক’বলৈ গ’লে জিঅ’ আৰু এয়াৰটেলে এতিয়াও ৪জি ইণ্টাৰনেট সেৱাত আধিপত্য বিস্তাৰ কৰিছে, কিন্তু যদি বিএছএনএল শক্তিশালী হয় তেন্তে ই জিঅ’ আৰু এয়াৰটেলৰ মাজত উত্তেজনা বৃদ্ধি কৰিব পাৰে।
ভাৰতৰ চাৰিটা অঞ্চলত টাটাই ডাটা চেণ্টাৰ নিৰ্মাণ কৰি আছে, যিয়ে ভাৰতৰ ৪জি আন্তঃগাঁথনি সৃষ্টি কৰাত সহায় কৰিব। বিএছএনএলে সমগ্ৰ দেশতে ৯০০০ৰো অধিক ৪জি নেটৱৰ্ক স্থাপন কৰিছে, ইয়াক এক লাখলৈ বৃদ্ধি কৰাৰ লক্ষ্য লোৱা হৈছে। জিঅ’ই জুন মাহত ৰিচাৰ্জ প্লেন বৃদ্ধিৰ কথা ঘোষণা কৰিছিল। ইয়াৰ লগে লগে এয়াৰটেল আৰু VIয়েও ৰিচাৰ্জ প্লেন বৃদ্ধি কৰাৰ কথা ঘোষণা কৰে, য’ত জিঅ’ আৰু এয়াৰটেলৰ বৰ্ধিত মূল্য ৩ জুলাইৰ পৰা কাৰ্যকৰী হৈছে। গতিকে VI ৰ বৰ্ধিত মূল্য ৪ জুলাইৰ পৰা কাৰ্যকৰী হৈছে।
জিঅ’ই সৰ্বাধিক দাম বৃদ্ধি কৰিছে। কোম্পানীটোৱে পোনপটীয়াকৈ একে সময়তে ১২ৰ পৰা ২৫ শতাংশ মূল্য বৃদ্ধি কৰিছে। আনহাতে, এয়াৰটেলে ১১ৰ পৰা ২১ শতাংশ আৰু VIয়ে ১০ৰ পৰা ২১ শতাংশ মূল্য বৃদ্ধি কৰিছে।
