শিহৰণকাৰী ঘটনা। কৰেতেৰে ৰেপি পত্নীক হত্যাৰ অপচেষ্টা। ঢেকিয়াজুলিৰ চপাই বৰঝাৰ লাইনত পত্নীক হত্যাৰ অপচেষ্টা স্বামীৰ ৷ শ্ৰমিক মাৰ্কুছ কাণ্ডুলনাই পত্নী ফিলমিনা কাণ্ডুলনাক হত্যাৰ অপচেষ্টা কৰাৰ অভিযোগ ৷ পাৰিবাৰিক সংঘাতৰ ফলশ্ৰুতিত স্বামীয়ে ৪১ বছৰীয়া মহিলাগৰাকীক ডিঙিত ৰেপি হত্যাৰ চেষ্টা কৰাৰ অভিযোগ। ঘটনা সংক্ৰান্তত আছাৰ শোণিতপুৰ জিলাৰ প্ৰচাৰ সম্পাদক বিচিত্ৰ নায়কে আৰক্ষীক অৱগত কৰাৰ লগে লগে ততাতৈয়াকৈ ঘটনাস্থলীত আৰক্ষীৰ এটা দল উপস্থিত হৈ মহিলাগৰাকীক উদ্ধাৰ কৰি উন্নত চিকিৎসাৰ বাবে ঢেকিয়াজুলিৰ চিকিৎসালয়লৈ প্ৰেৰণ কৰাৰ লগতে স্বামী মাৰ্কুছ কাণ্ডুলনাক থানালৈ আটক কৰি লৈ আহে । মহিলাগৰাকীৰ অৱস্থা সংকটজনক হোৱা বাবে চিকিৎসকে মহিলাগৰাকীক তেজপুৰ চিকিৎসা মহাবিদ্যালয়লৈ প্ৰেৰণ কৰিছে ৷
