কলং নৈত গা ধুবলৈ গৈ যুৱকৰ সলিলসমাধি

শোকাৱহ ঘটনা। কলং নদীত গা ধুবলৈ গৈ এজন যুৱকৰ কৰুণ মৃত্যু। মৃত যুৱকজন ৰহা ৰজাগাঁৱৰ চিন্ময় কাকতি। ৰহাৰ পহুপুৰিত সংঘটিত হৈছে এই ঘটনা। যুৱকজনে পহুপুৰিত বন্ধুৰ অন্নপ্ৰাশন খাবলৈ গৈ লগৰীয়াৰ সৈতে কলঙত গা ধুবলৈ গৈছিল। কিন্তু হঠাতে পানীত ডুব যায় যুৱকজন। পিচত ততাতৈয়াকৈ চিন্ময়ক উদ্ধাৰ কৰি নগাঁও চিকিৎসালয়লৈ নিয়া হৈছিল যদিও চিকিৎসকে মৃত ঘোষণা কৰে। বৃহস্পতিবাৰে দুপৰীয়া যুৱকজনৰ মৃতদেহ মৰণোত্তৰ পৰীক্ষা কৰি ঘৰলৈ অনাৰ লগে লগে এক শোকাকুল পৰিৱেশৰ সৃষ্টি হয়।