চিলাপথাৰৰ পৰা মেঘালয়লৈ সৰবৰাহৰ সময়তে ১২ চকীয়া ট্ৰাকসহ জব্দ ২২টাকৈ গৰু

অবৈধ গো সৰবৰাহৰ বিৰুদ্ধে মহানগৰীৰ ক্ষেত্ৰী আৰক্ষীৰ অভিযান । অভিযানত এখন ১২ চকীয়া ট্ৰাকসহ জব্দ ২২টাকৈ গৰু। ধেমাজিৰ চিলাপথাৰৰ পৰা মেঘালয়লৈ অবৈধভাৱে সৰবৰাহ কৰিছিল গৰুকেইটা। AS 09 AC 5203 নম্বৰৰ এখন বাৰচকীয়া ট্ৰাকত ২২ টাকৈ গৰু সৰবৰাহ কৰি মেঘালয়ৰ বৰ্ণিহাটলৈ লৈ গৈ আছিল। ক্ষেত্ৰী আৰক্ষীৰ এটি টহলদাৰী আৰক্ষীৰ দলে সন্দেহবশত চক্ষুৰাৰ ৩৭ নং ৰাষ্ট্ৰীয় ঘাইপথত গাড়ীখন ৰখাই পৰীক্ষা কৰাত পোহৰলৈ আহে সমগ্ৰ ঘটনা। ইপিনে ঘটনাৰ সৈতে জড়িত নগাঁৱৰ ৰূপহীৰ আবুল বাচৰ, মেঘালয়ৰ জোৱাইৰ এইবাৰকিউ সুমেৰ আৰু পিলাছ চায়াল নামৰ ৩জনক আটক কৰে আৰক্ষীয়ে।