আলফা স্বাধীনত যোগদানৰ ঢৌ উঠাৰ সময়তে সোণাৰিত দুজনকৈ আলফা স্বাধীনৰ সক্ৰিয় লিংকমেন আটক কৰে আৰক্ষীয়ে। আটকাধীন যুৱকদ্বয় সাপেখাতিৰ ধুনীয়া পথাৰৰ দেৱজিৎ ভূঞা আৰু ১ নং হাওঁফাওঁৰ মিঠু বৰুৱা। আলফা স্বাধীনৰ সদস্যৰ লগত যোগাযোগ ৰখাৰ অভিযোগত আৰক্ষীয়ে আটক কৰিছে দুয়োজনকে। সম্প্ৰতি সোণাৰি থানাত সোধা-পোছা অব্যাহত ৰাখিছে আৰক্ষীয়ে। মন কৰিবলগীয়া যে বিগত কেইটামান দিনত আলফা স্বাধীনৰ কাৰ্যকলাপ অধিক সক্ৰিয় হৈ উঠাৰ লগতে ৰাজ্যৰ বহুকেইগৰাকী যুৱক-যুৱতীয়ে সংগঠনটোত যোগদানৰ খবৰ পোহৰলৈ আহিছে। তেনে সময়তে আজি আলফা স্বাধীনৰ সদস্যৰ লগত যোগাযোগ ৰখাৰ সন্দেহত দুই যুৱকক আটক কৰা ঘটনাই তীব্ৰ প্ৰতিক্ৰিয়া সৃষ্টি কৰিছে।
