গণৰাজ্য দিৱসৰ পূৰ্বে আইন-শৃংখলা পৰিস্থিতিক লৈ কঠোৰ প্ৰশাসন৷ বৰপেটা জিলাত ১৪৪ ধাৰা জাৰি কৰা হৈছে৷ বৰপেটাৰ জিলা উপায়ুক্ত তেজ প্ৰসাদ ভূচালে এক নিৰ্দেশনাযোগে জিলাখনত জাৰি কৰিছে ১৪৪ ধাৰা৷ জিলাখনত আজিৰেপৰা সকলোধৰণৰ সভা, সমদলত নিষেধাজ্ঞা আৰোপ কৰা হৈছে৷ ৫ বা ৫ জনৰ অধিক ব্যক্তি একেলগ হোৱা বা সমাবেশত নিষেধাজ্ঞা জাৰি কৰিছে জিলা প্ৰশাসনে৷ আনহাতে, জিলাখনৰ ভিতৰত সকলোধৰণৰ আন্দোলনৰ কাৰ্যসূচীতো নিষেধাজ্ঞা জাৰি কৰা হৈছে৷ ইয়াৰ লগতে দা, লাঠি বা আন যিকোনো আগ্নেয়াস্ত্ৰ লৈ ফুৰা আৰু সাম্প্ৰদায়িক উত্তেজনা বৃদ্ধি হ’ব পৰা সকলো কাৰ্য-কলাপ বন্ধৰো নিৰ্দেশ জিলা উপায়ুক্ত তেজপ্ৰসাদ ভূচালৰ৷ আজিৰেপৰা অনিৰ্দিষ্টকালীনভাৱে জাৰি কৰা হৈছে এই নিৰ্দেশনা
